今次呢間餐廳喺灣仔嗰陣時就成日去, 但係灣仔嗰間因為疫情嘅問題, 租金唔肯減, 所以只係淨返旺角呢一間, 因為之前係灣仔食過.
今次呢我哋食一個海鮮牛肉火鍋, 先食咗雞煲先, 因為我哋當中呢有一個辣妹, 佢要大辣雞煲, 我怕辣要小辣, 我哋五個人,餐廳個姐姐好好, 畀我哋嗌咗兩個喎一個雞, 一個大辣雞煲, 一個小辣雞煲, 我哋都食咗三轉 😂…. 之後再食海鮮, 嗰個海鮮好味, 啲蝦好大隻呀! 👍 去食呢類咁嘅鋪頭, 食雞煲同海鮮冇問題, 去到最尾打邊爐呢啲嘢就麻麻地, 畀啲咩魚蛋呀…. 蔬菜呀…..蘿蔔呀嗰啲嘢你囉 🤨即牛肉或者海鮮嘅蝦, 魚片呢係冇㗎……
海鮮打邊爐D嘢食比較好啲囉, 啲海鮮好新鮮, 有鮑魚, 脆肉鯇片, 蟶子, 蜆肉, 超大嘅蝦. 😚 食完即海鮮, 加入配料都好好喎, 又有個list畀你揀, 個list有脆肉鯇魚, 脆肉骨腩, 蝦🦐, 水魷🦑, 雲吞,韭菜餃, 響鈴, 美國牛肉, 蘿蔔, 菜, 鴨血……好多好多. 飲品任飲，好抵食 !!
埋單連埋加一每人只不過係$340蚊, 新南苑係一個唔錯嘅選擇.
