我最鍾意打邊爐 , 食韓燒 , 真係唔熱氣唔食㗎 ! 疫情冇得打邊爐 , 喺屋企打又唔係好開心 . 其實打邊爐最鍾意係個沙嗲喎!!! 我好鍾意食沙嗲㗎, 試過好多做沙嗲 , 最好味就係呢隻 “Jimmy’s Sate Sauce” 啦 !
不過我屋企人好麻煩㗎…. 一個普通嘅沙爹醬, 佢話開個好容易畀人放嘢入去, 例如咩呢? 曱甴喇, 放毒藥啦….我邊度有咁多人毒你呀 ? 佢話個沙嗲醬完全冇一個密封嘅包裝好容易畀人打開咗之後放嘢入去…….. 其實沙爹醬打開個蓋之後有一層薄薄嘅牛油紙 , 不過呢層牛油紙通常都係穿嘅, 所以我屋企人話唔安全呀 !!
我屋企佢每次買沙嗲醬嘅時候, 都叫個老闆打開個蓋畀佢睇下, 睇下個牛油紙有冇穿….穿嘅? 佢唔要, 唔穿嘅, 佢就買曬佢. 我屋企好多呢 X 沙爹醬, 起碼有六支, 食到一半又再去買六支, 其實一路keep住都有六支囉 ! 真係好好味㗎
雖然我住香港, 但通常呢香港嗰啲舖頭啲老闆都好鬼串呀 ! 都唔係好理我哋, 我特登搭車去九龍城買, 九龍城嗰度嗰啲舖頭老闆班好好㗎 ! 我一買買六支, 佢知我要攞返香港, 佢就逐漸幫我用bubble紙包, 跟住再攞報紙包, 佢話肯定唔會爛!
有時我都好欣賞我屋企人嗰份堅持㗎! 佢打電話上代理商度反映意見, 佢話咁樣好唔衛生, 亦都好唔專業. 隔咗我諗幾個月啦, 佢包裝有個 ”膠” 包實咗呀! 如果真係要打開個蓋, 等於開過囉! 呢份堅持我真係好欣賞 ! 呢個出品商, 代理商相嘅改變, 令到我哋屋企而家唔係得六支沙嗲醬…..係有十二支沙嗲醬……
