今次特登搭車出九龍城街市嗰度食火鍋😋😋. 我之前就好鍾意去九龍城一間係炭燒火鍋嘅, 我覺得呢個個沙嗲喎好好味, 其實我覺得係個沙嗲名出, 嗰啲料我覺得係粗製濫造啲囉….咁有啲朋友去過就話呢個老闆就是否真係生定客or 熟客, 熟客嗰啲嘢係靚啲嘅, 佢一碟牛肉都唔平㗎, 幾百蚊一碟, 但係啲牛肉好靭呀….., 一般打邊爐都去食牛肉㗎嘛, 但我去嗰間一定唔會食牛肉囉!!! 其實我個人就好好鍾意食成水餃, 呢嗰間啲水餃好大隻, 但係大隻得嚟好難食….所以我亦都唔會嗌囉
今次呢間火鍋佢嘅嘢好少㗎咋, 一版A4紙都冇呀!! 半張A4紙喇😂…… 但係佢啲嘢好好食👍 👍 👍, 佢啲牛肉好好食好大碟㗎, 有嗰間唔好食咁大碟, 但係人哋都係百零二百蚊咋嘛!!! 我哋三個人食啲牛肉都食唔曬佢, 呢嗰沙嗲鍋…一啲都唔辣呀👍. 我個朋友唔食得辣㗎, 佢 order沙嗲鍋, 我都嚇一嚇😳😳😳, 佢話真係好正, 我話好正👍 好正👍好正👍. 好彩今次去咗, 因為聽講佢就嚟搬啦, 隔離仲有間泰國嘢嘅舖頭, 我朋友次次都嗌多兩杯沙冰飲㗎! 有機會你哋都去試下!
