我喺香港已經 好鍾意打邊爐 ，雖然妹妹唔鍾意打邊爐，但係佢為咗就我，而我地去台灣嗰陣時係冬天，於是佢就帶我去打邊爐喇 ! 佢話平時食一般嘅嘢怕滿足唔到我喎，咁問我鍾意食乜?我就話我想食海鮮，於是佢就帶我去咗一個海鮮市場，呢個海鮮市場呢…..好似我嗰陣時去日本咁㗎， 原來台灣都有呢個地方，所以我覺得真係好好, ，香港好似唔覺有咁嘅地方喎 ! 最多都係鯉魚門或者屯門食海鮮， 但係同人哋比…….真係好似差啲呀 ! 我妹妹帶我去食呢間都唔係平，我就好肉赤囉 ! 因為今次得我同妹妹去，我冇同我老公同埋個仔去，所以食完之後都有少少罪惡感，好似有少少對唔住佢地，但係真係好好味嘅 ! 塊牛肉入口即溶，一D筋都冇，D海鲜好新鲜好正，唯一是地方比較偏僻，我地兩個女人仔都係坐的士往來。
