台灣之旅 3 –小食篇

去到台灣最鍾意通街食嘢,因為香港而家通街食嘢嘅地方已經冇乜,可能只可以去到舊區先見到,例如深水埗喇旺角喇都有啲機會嘅 ! 其他呢喺街邊檔已經寥寥可數啦! 今次去到台灣我哋每一個夜晚起碼行兩至三個夜市,由於每個夜市可能有D距離,好有時我哋就坐的士由呢個夜市去嗰個夜市,不停咁去,其實都好開心㗎 ! 就算食唔落睇下都好吖 !

我好鍾意杜x風小姐㗎 ! 我覺得佢傻傻地,但係好可愛囉 ! 有陣時語無倫次,比佢笑死 !  我成日覺得傻大姐係有傻大姐嘅福氣,成日聽到佢喺電視上面話呢檔嘢好食,妹妹咪同我去試下囉,果然係好食,份量又唔多,我哋兩個人食咗三個麵同埋一啲小食,好好味㗎 ! 不過美中不足就可能有啲”蚊濕仔”,我都有啲驚肚屙,不過ok喎,食完之後都冇事,可以去試下㗎!

唔敢話介紹畀大家,只不過想開心share!