呢個係一個四日三夜嘅旅程 ，咁咪梗係瞓三日覺啦! 第一日瞓覺好攰喇! 妹妹就需要戴眼罩去瞓覺因為怕光，但係我呢就要開燈瞓嘅! 因為怕”黑”, 但其實係怕鬼.
啱啱瞓落床,剛合埋眼，發覺床邊類似有兩個手掌或者腳印踏上床邊，嚇到我成個人個身僵直晒， 一路都唔敢擘大隻眼，佢喺我嘅右邊麻踏上去，但係左邊完全冇嘢，我喺度諗懷疑佢會唔會而家望住我，嚇到我一路唔夠膽引擘大眼，乜嘢天主經佛經…….識念嘅經都念晒啦! 隔咗好耐瞓著咗。第二朝早同細妹出去食早餐嘅時候話畀妹妹知， 但係妹妹竟然忽發奇想同我講梗係佢隻狗喇! (佢嗰隻佢大狗都柏文)，妹妹解釋畀我聽，通常動物先會係搭完一隻腳，再搭一隻腳，咁就好似我嘅感覺喇! 由此推斷呢一個係一隻動物，但係冇理由動物無啦啦走入人嘅房吖? 咁佢就覺得係一隻狗，但係一直唔識嘅狗又唔會想入我哋間房播……所以佢覺得就係隻都柏文喇! 佢話應該係我哋去台灣嘅時候，隻狗跟埋我哋過嚟保護我哋，咁我就話喇其實就叫佢去你張床保護你啦! 唔好去我張床呀嘛! 嚇死姨媽咩!
第二晚，因為我好驚，迫我妹妺同我傾計至早上六時先比佢瞓。
到了第三晚由於太累了，大家也倒頭就腄了!
返到香港，全家族既人都知道我很夜瞓，又或者唔瞓，第朝又好早起身，要頂得順先好約我去旅行呀!