年紀越大頭髮就越嚟越少, 曾經聽過一個老人家話有白嘅都好過冇吖！所以佢從來唔會搣白頭髮, 又唔會染頭髮, 因為佢話染髮好唔健康, 搞下搞下佢成頭都白曬, 但係佢話畀我知D白頭髮好硬好強壯, 你搣咗佢就等於嗰条頭髮嗰個毛囊冇咗, 咁嗰個位條頭髮就唔會再生, 如果佢咁強壯你咪有得佢生囉！我諗諗下又覺得好有道理, 畢竟呢個老人家食鹽多過我食米囉！我check下白頭髮真係硬過黑頭髮好多㗎喎, 所以我而家都唔搣D白頭髮喇！至於染髮呢……其實有啲白有啲黑又係比較核突啲, 所以染髮呢家嘢呢….我就都係仍然繼續, 不過我就有進步, 平時三個月染一次, 而家我可以忍到半年至九個月先染一次.
有時我見到啲人整到成頭都唔同色或者五顏六色, 係好靚呀….. 但係會唔會好傷呢? 會唔會搞搞下變咗光頭呢 ? 諗起都好驚…..大家真係要好好保護你啲頭髮呀! 得閒剪下啦! 得閒梳下啦!
我呢之前呢就去過一啲組織嗰度學剪頭髮, 咁老師都有教頭髮護理, 佢都係建議呢年至九個月先見染髮一次. 不過佢話你忍得咪得囉! 雖然佢係一個髮型師, 但係佢就話其實白頭髮都冇乜所謂, 係你介唔介意啫, 人哋介唔介意你唔使理㗎喎. 你自己覺得靚自己覺得接受到咪得囉!