公司有兩個同事升了職，他們努力了很久才有這機會，很替他們高興。近呢幾年，同事升職都唔會講。以前就唔同，自己team既人知同team有同事升職，硬係去恭喜佢地喇，而升職嗰D同事亦會請各同事lunch or tea. 我特別欣賞一位升職同事對我說的一番說話，佢話“你估我升職只係靠我一個人咩？都係各同事既幫忙，令我達到我既goal,先可以。係你地大家造就今日既我呀。當然我都要付出同埋努力嘅!” 佢講得好好，好正確。
話說嗰兩位升職同事搞左個lunch到會，D同事去八下有咩食……其中有個同事就同升職既同事要求叫佢訂隻豬返黎lunch, 嗰同事話好貴wor, 差不多近四千元，那個”不知死”既同事話好平之嘛！一千元左右，升職同事訪你講嗰隻係乳豬，而家有成五十人lunch，order隻乳豬，每人一片都唔知有冇wor, 況且唔係我一個比，要問埋另一位同事呀。我向那升職同事說不要理她，人家請你食lunch，食物到左，你咪揀你鍾意既食物，況且到會一定有好多野食。你自己要食乳豬，你買隻返屋企自己食喇! 其實當天到會一D都唔差，小食有腸仔菠蘿, 三文治, 主食有 雜果沙律, 韓式手卷, 冬菇鴨掌, 椒鹽豬扒, 醉雞翼, 南乳齋,炒雜菜, 中式炒飯, 中式炒麵, 西式意粉, Pizza, 甜品有椰汁斑蘭糕.
重想點？？？