香港人請工人姐姐幫手係好平常既事，近呢兩年因疫情關係，由外國到香港既姐姐要排除萬難先黎到香港。我個工人姐姐做左14年，我從耒都冇 刻薄佢，因為人係平等，我成日叫佢同我地一齊食飯，但佢開話鍾意係廚房食因為冷氣好凍😳😳，我開左冷氣都熱到死，重想開多把風扇添😳😳……… 舊年佢話返老家結婚，兒子在最尾那兩三天拖住工人姐姐隻手喊😭😭。我地同佢講我地唔會再請工人，如果佢結婚後想再打工， 就快就我就返嚟搵我哋啦，我哋會請返佢㗎。點知上機前一個禮拜 Agent話菲律賓政府限制入境人數，佢中左獎要改機票，一個禮拜之後先可以飛。咁我同姐姐講咗之後就叫姐姐可以喺我屋企住，因為佢都冇地方住，我同佢講你平時自己鍾意去邊就去邊啦。你唔鍾意去街你咪喺屋企睇下電視囉。 我夜晚食飯會買埋外賣返嚟畀你食㗎喇。 不過佢好堅持話要去朋友度住，咁我就有得佢啦，畢竟合約都係到咗期。
佢上機日子之後既第二日，Agent打畀我同我講話姐姐冇上機😨😨😨,我就問佢有冇退機票呀? Agent 話冇….佢同我講佢公司就算退票退錢都係退買機票嗰個人。唔會退畀個姐姐，不過佢冇退到機票囉! 我同個agent講話亞仔唔捨得佢，喊左幾日，佢呃咗我個仔啲眼淚，我真係好嬲😡😡…… Agent 就話佢最激氣就係佢嘥咗張機票呀嘛🤣🤣🤣
開頭大家都好唔捨得佢，後耒我將冇上機呢件事講畀阿仔知，老公仲鬧我話我做乜講畀阿仔知 ??? 我話呢個係事實咪同佢講囉 ，佢出嚟社會做嘢，面對嘅人都有好多人呃佢，呢個世界冇咁美好，都要面對人哋會呃佢㗎。我同老公講， 就算佢返嚟做我都唔會再請佢，咁我老公就話乜唔係講好請返佢咩? 我就話再請工人可以，但佢唔可以，因為我可以忍受人呃我，但我唔可以忍受佢呃個仔啲眼淚，之後我哋屋企再冇再提過呢個工人姐姐。