好耐冇出去食飯啦! ☺️我最鍾意食就係打邊爐同埋韓燒嘅。可能我寒底啦🤥，成日覺得身好凍，要食啲熱嘅嘢。🥴
久休復出第一炮就係去打邊爐，上環呢一間鋪頭，我食過好多次，但每一次呢都係有啲唔同，都係食嗰啲嘢，但係唔識講有啲咩唔同。佢初初開嘅時候，淨係純粹打邊爐食海鮮，而家轉型咗就係食雞煲，食蒸海鲜跟住打邊爐。
今次我哋五個人去， 食雞煲嘅時候初初驚辣，所以淨係食一個小辣，食咗兩轉小辣之後，有個人話唔夠喉，就食大辣。開初食大辣好似唔係好辣，點知食完之後，成個口都好辣囉😰😰我唔係好食得辣㗎🥴🥴辣到我死死下。
咁跟住食蒸海鮮，個鍋好大，好似一個炸豬大腸嗰個鍋咁大，佢地擺咗塊荷葉墊底，再擺啲海鮮想上面蒸。海鮮方面有蜆, 蟶子，扇貝，鮑魚，蝦， 龍躉，蒜蓉粉絲同埋烏冬😋😋。食完蒸海鮮之後就打邊爐， 打邊爐呢都冇乜特別，不過有三個湯底畀你揀， 分別有蟲草雞，蕃茄花甲及芫茜皮蛋。佢有兩碟牛肩胛跟上， 其他嘅唔打邊爐配料都係一般嗰啲，冇乜特別，不過個韭菜餃同埋雲吞都好好食。 大家不妨抽時間去試下幾好味㗎😋👍