講起呢個同事”令蜂蜜” 佢真係非一般嘅女人呀😖! 佢集“計較”, “貪心”, “自我感覺優越”於一身.
佢好緊張錢, 一分一毫都計得好足, 同事一齊食飯, 一人一個午餐, 個餐爭幾多蚊都計得好足🙄🙄， 一齊去食飯八個人咪除八囉….. 又要計自己個餐幾多錢, 自己有冇凍飲, 自己有冇食, 自己有冇加乜乜加乜乜, 於是大家各有各自己計….有啲地方要加一，即係重乘”1.1”…….整埋啲毫子出嚟😰😰我真係想暈呀………食個lunch都要計到咁. 因為有呢啲“令蜂蜜”同事, 久而久之出去食晏嘅時候就冇人肯畀錢先, 因為畀咗錢嗰個同事會收到好多coins, 之後亦都冇人再group出去食飯或者唔再叫埋“令蜂蜜”去食.
有同事買西餅返嚟請大家食, 分別買咗30個蛋撻同埋30個蛋散, 60個人一人一個囉 ! 咁我當然畀佢揀啦. 佢揀咗蛋撻食, 食完之後佢就話食蛋散, 我就話你頭先咪食咗蛋撻, 佢又重覆話佢想食蛋散 🙄 , 我話不如分咗先, D同事唔食咪畀你囉, 佢又再重複同我講想食蛋散 😰 , 於是我就話咁你攞啦..…. 咁佢又問我咁又話啱啱好嘅? 我就同佢講我唔食畀你食咪得囉!
過時過節公司收到好多果籃, 有一年中秋收到好多好多月餅, 於是老闆攞出嚟叫我分比同事食,. 佢知道有月餅之後, 就走埋嚟同我講佢想攞盒月餅返屋企, 咁我就話月餅係老闆攞出嚟畀同事食㗎喎, 你點樣攞返屋企呀 ? 佢就話我屋企人好鍾意食㗎…. 我就同佢講你點解唔自己買? 佢冇出聲答我，但係第日返工嘅時候就唔見咗盒美心月餅啦!
佢既擇偶條件亦都係好特別㗎, 佢話最緊要有錢! 年紀大唔係問題. 咁我話如果佢年紀大, 早死過你咁點算呀? 佢就話早死就梗係更加好, 可以繼承佢嘅財產…….Oh, no… 咩人嚟㗎🤦♀️. 不過最尾佢好好彩遇到一個後生既高層同佢結婚。