年青嘅時候唔識欣賞人. 一般人哋話呢個唔好, 嗰個唔好, 多數話唔好嘅人, 你都係覺得唔好, 多數人話佢有缺點嘅, 你都係覺得佢有缺點, 大多數人講呢個人嘅缺點, 你都係會認同, 因為大多數人都係咁講…….
年紀大咗, 我聽人講呢個人唔好, 我會用自己雙眼去睇, 留意下佢待人處事嘅態度同埋嘅做法, 縱使佢有唔好, 佢都會有好嘅地方; 可能做嘢心狠手辣, 但係佢對屋企好好喎! 佢對太太好細心, 佢好愛錫仔女, 係一個好爸爸, 但係喺公司可能佢係奸到出汁嘅人……
我以前遇到一個老闆, 我自己覺得佢好好, 佢唔多出聲好有禮貌，好有耐性，好gentleman，佢職場上面唔會同人爭，唔會同人拗, 但係當佢覺得啲嘢係唔啱嘅時候，佢會好有耐性盡量解釋比大家知進咁樣做係有問題 。喺而家呢個香港社會，踏在人地頭上而上既職場，應該唔會見到呢類人. 我加入呢個部門之前已經識佢，我加入呢個部門之後聽到好多人都係度話佢， 一班飯腳一齊午飯傾計，有個人每日都話佢呢樣做得唔好嗰樣做得唔好……到咗第三日, 我終於頂唔順同嗰個人講 “😡😡😡我唔可以接受人哋話佢, 因為佢對我好好, 係我有困難無助既時候，佢義冇反悔去幫我，你鍾唔鍾意佢都好，你唔好再喺我面前批評佢，如果唔係，我同你連朋友都冇得做…😡😡😡.” 當日午飯大家像在”默禱”…..🤣🤣 🤣，最終佢係呢間公司畀人辭退咗……. 我呢間舊公司心狠手辣，一炒即走，佢好人到列晒自己負責既野出黎交低比同事。
喺你哋眼中嘅佢 , 同佢講嘢冇反應; 喺我眼中嘅佢, 係聆聽係個腦入面分析. 喺你眼中嘅佢做嘢好慢好慢, 喺我眼中嘅佢, 係耐心諗一諗, 咁樣去做咗呢樣嘢有冇 impact, 係咪已經做到最完美, 滴水不漏.
由而家開始，我哋唔好聽人講，我哋用自己雙眼去睇，用個心去感受吖! ☺️☺️☺️