公司收購 / 收購公司

公司經歷咗畀人收購,又經歷咗人哋收購

公司收購人哋,我哋就係親生仔, 人哋就係二奶仔. 同事對同事之間就冇唔同, 因為大家都知道大家需要一份工. 當開源節流嘅時候, 老闆對親生仔同二奶仔就有唔同喇!同自己work 得好 close 夾得黎嘅同事, 入房收信, 出到嚟嘅時候好唔開心, 仲走埋嚟同我哋 say goodbye, 我哋真係好唔開心 😰. 但係都冇辦法㗎其實我哋都係一啲卒仔啫可以點呢…..😔

當我哋公司畀人收購嘅時候, 情況就調返轉頭, 你要融入人哋度係咪咁容易呢? 人哋對你唔瞅唔睬, 唔教你嘢, 唔畀嘢你做, 等你自己喺度日日坐 , 有啲同事頂唔順咪走囉…., 我哋呢條team嘅同事好積極, 積極度爭啲去人張枱搶人哋啲嘢做咁濟,  過咗咁多年,  終於叫到站得住腳, 有一堆嘢做, 而家做到你唔做呀……只會做到你死!做到你嘔!

原來呢間新公司只要你自己走出嚟話做,  呢一個job就係你㗎啦 😊, 唔會有人同你爭㗎!  因為呢間新公司啲人唔主動,  唔積極㗎 😊,  因為佢哋等退休…🙄🙄