而家出去食飯都幾麻煩, 有分A區B區C區…… , 其實我都唔知點分咩區? 總之我哋通常最多都係四個人去食飯, 太多人傾唔到計, 雖然話經濟唔好, 但係有啲舖頭都唔係平, 不過平同貴唔緊要, 最緊要係咪食物嘅水準, 如果食物係有水準嘅話, 其實貴啲都無妨嘅 ! 畢竟個個都要生活, 如果間舖頭唔好生意, 咁就會裁員, 員工有冇嘢做, 間舖頭又會執笠…..
我啲屋企人就最鍾意嘅去食Sunday Brunch, 因為晏起身啦…..食一食, 食到兩三點, 有時夜晚都唔食, 因為年紀大好飽, 夜晚嗰餐變咗食生果 !
呢間位於銅鑼灣嘅酒店水準都唔差㗎喎! 點解會成日去食? 因為我哋join咗佢個club囉 ! 佢有買一送一嘅,仲有兩張卡, 咁其實你可以分兩張枱, 變咗買二送二囉 ! 佢價錢呀? 我自己覺得好抵食, 如果兩個人去, 大概就係$650落樓啦 ! 因為坐得好舒服, 環境好舒適, 我都幾鍾意㗎 ! 食物幾豐富㗎! 返工咁辛苦, 當氹下自己 !
- 飲品方面呢有橙汁, 西柚汁, 香檳, 香檳有兩隻
- 湯今日有兩個, 一個海鮮湯, 有一個蓮藕章魚湯
- 海鮮面呢有龍蝦, 麵包蟹 (之前係有長腳蟹), 凍蝦, 青口, 花螺魚子醬
- 日本食品有天婦羅, 魚生帶子, 八爪魚, 三文魚, 甘魚… 有壽司種類, 尤其要提一下虎蝦壽司同埋腐皮卷壽司, 我最鍾意食腐皮卷壽司, 屋企人話我蠢喎..做乜食豆腐皮? .
- 熱盤方面有 : 魚子醬奄列炒蛋, 羊架, 燒排骨, 薄牛扒, 漢堡包仔, 炸魚薯條, 咕嚕雞球, 豆角碎肉, 海南雞, 鍋貼, 仲有點心喎, 點心有蝦餃, 燒賣, 牛肉, 粉果, 叉燒包, 馬拉糕, 糯米雞, Pizza,
- 印度食品方面有咖哩雞, 咖哩牛腩, 薄餅, 咖哩角, 咖哩有黃咖哩及青咖哩
- 不同種類嘅沙律, 芝士
- 重有淥粉麵嘅攤檔 (有時有喇沙㗎)
有興趣去試下啦！係宜家樓上之嘛！
