我屋企人唔鍾意我戴眼鏡! 其實我幾時開始戴眼鏡呢? 開始老花咪帶囉 ! 我係冇近視, 所以我好早就已經有老花喇 ! 我屋企人話我帶咗老花眼鏡之後老咗十年, 佢話戴眼鏡實在太肉酸 ! 其實睇咗好多年喇….我平時睇嘢就唔戴眼鏡嘅,不過呢因為工作嘅關係要望電腦咁所以冇辦法.
其實我個小朋友小學已經開始對戴矯視眼鏡, 個嗰陣時防止加深. 初初四年班得50度近視, 去到五年班過咗半個學期啫, 佢已經變咗150度, 屋企人就覺得如果好深近視就唔掂 ! 於是四年班開始戴矯視鏡, 到而家佢大學畢業出嚟做嘢啦都係維持喺200度.
最近就學習帶隱形眼鏡, 我好驚將隻手指篤住眼鏡對隻眼.
Day 1 : 右眼戴咗20分鐘, 我爭啲驚自己 “吉”盲自己隻右眼, 左眼戴咗五分鐘
Day 2 : 右眼又玩咗15分鐘, 左眼戴咗五分鐘
Day 3 : 同Day2 一樣喎
Day 4 : 右眼/左眼戴咗5分鐘
Day 5 : 我覺得隻眼要休息下啦 !
其實我唔鍾意戴眼鏡, 但係同戴隱形眼鏡相比, 我更加鍾意戴眼鏡!
眼鏡唯一嘅好處就係D屋企人話我後生又靚咗囉！😆😆😆
