因為疫情, 寫字樓通常開會都係會用Team或者Zoom. 因為安全問題啦同埋有好多同事都係work from home嘅.
今次嘅主角係包括三個人, 一個男同事 ” 文仔”, 一個女同事 ” 亞Mi” , 同埋一個老闆 “費格遜”.
文仔work from home, 亞Mi 同埋 費格遜就喺office.
“文仔”成日都當 ”亞Mi” 係佢契媽, 有乜鬼嘢都同佢講㗎 !
文仔 喺午飯嘅時間就打電話 亞Mi, 佢同 亞Mi講話新識咗個女仔, 想買啲嘢畀佢, 就問亞Mi買咩好 ? 佢哋研究咗好耐, 買花, 飾物, 杯……, 講咗好耐……… 其實,呢個就唔係重點 , 個重點係 ….文仔 同 亞Mi講話嗰個女仔畀佢拖手仔, 咁亞Mi咪話咁即係搞掂咗啦 ! 文仔話個女仔 同佢講話未認佢係男朋友嘅身份喎！咁 亞Mi咪同佢講囉“乜而家啲女仔咁隨便㗎, 亂咁畀人拖手仔, 但係又話未認定係男朋友 . 文仔 : “話係啦都唔知點搞?”
講到呢度突然間個文仔就話喇 “轉頭再打畀你吖！老闆call我呀！”
真係轉頭咋….個女同事聽到個老闆好大聲講 “喂！文仔, 你冇mute到喎, 我哋而家開會入面成班人都聽到
你最近識咗個女仔
又拖咗手仔
不過人哋未當你係男朋友仔喎
唔該你快啲Mute返啦 ……….