蒜頭同埋薑係煮餸爆鑊嘅最佳食材 , 做家庭主婦最鍾意去邊呢 ? 我就最鍾意去街市同埋超級市場喇 ! 好鍾意行下個街市, 好開心, 睇下呢樣, 睇下個樣, 唔買都睇下嘛 ! 街市D C-nine都係咁㗎！仲有買嘢嘅時候, 三唔識七都講返幾句, 評論下而家喺街市買嘢都好貴囉!!!
話說嗰日去超級市場見到有一樽一粒粒嗰啲蒜頭, 切咗擺入個樽嗰啲呢, 咁我又諗晚晚返去煮飯又要切蒜頭, 咁鬼麻煩 ! 買一樽係好方便囉 ! 咁我忽發奇想又諗喇喎 ….. 一樽蒜頭究竟用幾多粒蒜頭呢 ? 我最終冇買到, 但走咗去了街市買咗幾包蒜頭返嚟, 然後就切蒜頭試驗睇下擺落個樽度幾多蒜頭先擺得滿啦 ! 終於砌咗三粒蒜頭就擺喺一個樽度啦! 當然梗係落喺油喺鹽啦 ! 其實我就唔知係咪落喺喺鹽嘅 ! 呢啲咁整色整水, 咪試下囉 ! 橫掂喇我自己食咋嘛 !
街市入面呢十蚊就有九粒蒜頭, 如果你六點零七點去買呢, 十蚊呢就有4包 , 一包有3粒, 總數有有12粒, 粒蒜頭冇得揀㗎 ! 一包包衰極都係一粒蒜頭囉 ! 計下計下嗰啲供應商賣$16一樽蒜頭, 我呢度用咗三蚊嘅成本, 佢加埋個樽, 我當你三蚊啦, 都係$6, 你賣16蚊一樽會唔會食水深啲呢?