咩情況下無欲無求呀 ? 年紀大咗咪無欲無求囉 !! 因為去到五十幾歲又結咗婚，生咗仔女， 仔女出嚟做埋嘢啦， 你仲有咩特別嘢做呢 ? 人哋回歸大自然去耕田，你就回歸屋企去煮飯……，幸福其實好簡單，有個伴，有仔女，最好有埋孫仔孫女仔埋啦 !
回頭望，後生嗰陣時淨係掛住玩，冇陪自己父母，都自己做咗父母嘅時候，淨係掛住自己啲仔女，冇陪自己嘅父母，當你個仔女大咗嘅時候，你就好似變返細個咁成日想黐住你嘅父母，但係你嘅父母年紀大咗係咪成日畀你黐住X， 你成日搵住佢去街，其實佢就係唔想出去，淨係想你屋企陪住佢，有陣時老人家只係想收到你嘅電話，一X問候就已經好開心啦 !
講開伴侶…..近期睇咗一套韓劇，三個結咗婚嘅好朋友，佢個D先生亦都喺出面有外遇嗰三個小三，嗰三個小三都係三個好朋友喎 !! 套戲真係又有啲意思，又有啲搞笑. 有外遇X男人通常梗係會話同你一齊咁多年好悶，咁你D男人同嗰個小三一齊好多年之後會唔會悶咩 ? 你貪人地後生咋嘛 !! 咁人哋貪你咩呀 ? 熱情過後一切都係歸於平淡㗎喇…….
你老婆包餃子雲吞你會唔會幫手呀 ? 陪佢呀 ? 個小三同你一齊包餃子雲吞，你又覺得好開心好窩心，咩電影情節? 睇到眼火爆……
我曾經有一個後生個女同事同我講結婚最緊要揀個老嘅，有錢嘅，因為佢快啲死，就可以承受咗佢個遺產，我都覺得呢個女仔係咪有病 ? 結咗婚硬係想同個老公係同佢長相廝守啦 ! 點會諗住想佢快啲死 ?
D後生女嘅諗同我哋嘅諗法完全唔同，都唔知係我脫節out 左 ? 定係佢太前衛………