而家啲小朋友真係好搞笑 ! 我有個朋友個BB幾歲， 好得意㗎! 通常啲媽咪換衫就梗係唔會閂門， 喺嗰個即係小朋友面前換衫㗎啦， 全職湊小朋友吖嘛，咁嗰日佢爸爸都喺度嘅，咁我朋友換衫嘅時候佢爸爸就講笑講 “嘩！三級片呀！兒童不宜…..㗎喎” 點知個小朋友突然間爆咗一句出嚟話 ” 嘩! 恐怖片呀!” 超搞笑囉😆😆😆
其實搞笑嘅嘢我相信係遺傳嘅😊………佢媽咪係餵母乳嘅，呢個BB有一日佢就拍下媽咪個胸部就問喇 “咩嚟㗎 ? “
佢媽咪諗咗一陣就話 “雪櫃囉!”
小朋友又問 “雪勿嘢呀? “
佢媽咪就答佢 “雪奶囉! “
咁朋友個BB又再雪 “啲奶呢? “
佢媽咪就佢話 ”雪櫃壞咗，雪唔到喇….”
咁佢個小朋友又再問 “壞咗點解唔整呀? “
佢媽咪就同佢講啦 “整雪櫃好貴! 個雪櫃有咁細，整好唔抵! “呢個雪櫃淨係雪佢飲嗰啲奶，不如買一個好似而家屋企咁大個雪櫃，可以雪好多嘢㗎! 除咗雪”奶”之外可以雪埋”汽水” ， “雪糕” ，”雪條” 呀!”