我好鍾意煮嘢食，如果煮咗出嚟畀啲屋企人食曬，我仲會更加開心!
我細細個好鍾意食雲吞，尤其係我地自己屋企包既菜肉雲吞 ! 我後生嗰陣時，試過一次過食60隻雲吞， 不過食完之後瞓咗喺梳化唔郁得, 差啲嚇死我阿媽 ! 每次包雲吞我阿媽都係包好多，起碼過百㗎 ! 自從上次瞓咗喺梳化唔旭得之後，我阿媽唔畀我食咁多，佢話最多只可以食40隻，我媽咪包嗰啲雲吞好大隻，好好味㗎!
唔知係咪成日諗住自己仲後生食到好多，我通常如果而家整一次都包100隻或以上，包完之後擺曬喺度好開心呀! 好似好多嘢食咁囉! 我自己就鍾意食菜肉雲吞，我整菜肉雲吞嘅比例係8比2， 菜佔8成豬肉係佔2成嘅，D豬肉呢我鍾意自己拎返嚟慢慢切得㗎，我唔鍾意喺出面佢幫我搞爛，因為我覺得街市部嘅碎肉機好污糟 ! 但我屋企人呢佢要食菜-肉-蝦雲吞，佢哋每隻雲吞入面都要有蝦， 另外菜同肉嘅比例都係8比2，但就係豬肉佔8成菜佔2成嘅 !
