驅蚊磚

夏天好鍾意行山, 但係又驚畀蚊咬, 最近學人整驅蚊磚.

上網睇嘅時候見到好多花款, 尤其是一個櫻花款最靚, 於是就學人整呢個款嘅驅蚊磚, 呢跟住無意中就睇到人哋有個行山扣, 咁跟住就去買啲皮繩整, 咁吊住喺度又可以做飾物, 又可以驅蚊或者驅蟲. 有朋友試過話好掂, 佢哋五個人去行山得一個陀住嗰個櫻花款嘅驅蚊磚, 另外個四個人就畀啲蚊係咁咬係咁咬, 但係嗰個人就冇畀蚊咬, 於是嗰四個人又叫我再整喎, 我而家覺得好有成功感, 其實會唔會個四個人嗰啲血, 啲蚊乜得唔好味或者個四個人嗰啲皮太老, 咬唔入, 吸唔到啲血 ? 咁就唔知喇 !