做人其實好簡單……可能我自己嘅諗法好簡單囉…..
人嘅壓力好大係因為咩呀 ? 係因為亂咁諗嘢囉！點解啲人唔可以諗得簡單啲呢 ? 最近有一間電訊公司出咗一個應用程式, 係一個手機apps, 每日行五千步就會有一啲獎賞嘅積分, 朋友叫我裝, 我咪裝囉, 每日點止行五千步呀…….. 其實啲分唔知要嚟做乜㗎, 不過咪裝下囉, 我見幾得意, 我個心諗同小米手手錶數你行幾多步一樣之嘛 ! 都係大同小異啦 ! 跟住同其他啲朋友講, 朋友就話我唔會裝呢個app畀佢check我行幾多步㗎! 我話行幾多步咋喎? 佢就話咁佢咪知我去邊囉? …. 我都即刻反曬眼…….. 知道你去邊咁又點呀? 你估你大明星呀 ? 陳豪呀? 李嘉欣呀? 真係吹脹……… 其實有陣時又唔知同啲朋友講咩好?
驚人哋知你係邊度? 如果你喺屋企開燈, 開冷氣, 開電視, 煮餸…, 人哋知你係屋企囉! 咁你喺屋企唔好開燈, 唔好開冷氣, 唔好開電視, 唔好煮餸, 咁啲人咪唔知你喺屋企囉! 人哋知你喺邊又點呀 ? 你通緝犯嚟㗎咩? 世界咁多人, 點解人哋check呢, 你好重要咩 ? 你咪一個蟻民