我家只有三個人，但卻要煮五餸一湯才可滿足到佢地，曾經煮左四餸一湯，大魔怪話要落街買D野， 點知其實走咗去食麥當勞 ……..，搞到我好過意唔去，亦都好唔開心， 於是第日整返五餸一湯，其實五餸一湯都有要求…. 一個菜， 四個唔同款嘅肉， 加一個湯，每晚諗到頭都爆.
菜呢? 佢哋淨係食菜心㗎啫，西蘭花都可以勉強， 其他係唔食㗎 ! 你哋梗係可以話 ”你咪煮瓜囉” ， 但係 ”瓜” 啩哋都唔食呢! 蕃茄呢? 一個食一個唔食 ! 要整啲嘢佢哋兩個都食，其實都好難…… 做一個主婦梗係想整啲老公同個仔都鍾意食嘅餸啦 ! 淨係自己鍾意食，佢哋兩個唔鍾意食，又唔會煮喎! 我諗……過個女人都係咁㗎啦 !
今晚嘅餸 – 蒜子醬爆雞 / 豉油王蝦 / 蒜蓉菜心 / 菜脯煎蛋 / 梅子蒸排骨 / 蕃茄肉片湯
希望佢哋鍾意啦 !