最近工人姐姐走咗, 一切嘅家務就由女主人負責, 女主人就成為”工人姐姐+女主人”嘅化身啦!! 女主人平時唔使做家務就會覺得做家務好似好輕鬆, 呢三個月做完家務之後簡直覺得變咗一個女超人. 又要返工, 放工 趕住買餸, 之後趕住返嚟煮飯之後, 再抹地, 再洗衫..晾衫…..冇時間燙衫, 朝頭早六點鐘起身燙衫啦! 不過有另類嘅體會….
第一 : 可以嘗試唔同嘅煮法知道佢Honey嘅口味. 平時工人姐姐只會煮一啲容易煮嘅嘢 或者一啲佢自己鍾意食嘅嘢. 例如炸嘢啦! 女主人呢三個月都冇炸嘢, 琴日只係第一次炸嘢, 通常都係用炆, 炒, 蒸既煮法. 咁樣對人嘅身體都健康啲吖! 不竟炸嘢係唔油健多。
第二 : 可以鑽研肉類唔同嘅煮法, 例如雞肉可以整”金針雲耳蒸雞”, “檸檬豉油雞”, “煎雞扒”, “醬爆雞”…, 女主人個小寶唔鍾意食雞㗎, 佢琴日問女主人 “媽咪,點解日日都有雞 ? 一係就一隻雞, 一係就整雞翼 ? 男主人就同佢講你唔可以做新人加入mirror呀! 因為你唔鍾意食雞呀! 小寶佢最近睇鍾意mirror, 唔知佢係咪鍾意mirror …?? 唔知係咪因為咁, 佢走咗去食雞喎….琴日煮嘅醬爆雞, 佢話呢個掂呀! 好味呀!
第三: 完成咗女主人嘅願望, 女主人細細個嘅時候係希望做一個好媽媽, 而家佢覺得自己係一個好好嘅家庭主婦, 好嘅老婆加埋好嘅媽咪, 有機會畀佢煮”男主人+小寶”鍾意食嘅嘢畀佢兩個最鍾意嘅人食, 雖然辛苦, 但係佢覺得好幸福呀! 每晚5餸一湯….